കേരള മീഡിയ അക്കാദമി മാധ്യമമേഖലയിലെ ഒന്‍പതു വിഷയങ്ങളില്‍ വിദ്യാര്‍ത്ഥികള്‍ക്കായി കൈപ്പുസ്തകങ്ങളുടെ പരമ്പര പ്രസിദ്ധീകരിച്ചിരിക്കുന്നു. അതില്‍ മലയാളത്തിലെ ചലച്ചിത്ര പത്രപ്രവര്‍ത്തനത്തെപ്പറ്റിയുള്ള പുസ്തകം എഴുതിയത് ഞാനാണ്. സുഹൃത്തും സഹജീവിയുമായ ഡോ.പി.കെ.രാജശേഖരനാണ് ജനറല്‍ എഡിറ്റര്‍.ചലച്ചിത്ര പത്രപ്രവര്‍ത്തനം മലയാളത്തില്‍ എന്ന ഈ പുസ്തകം പരമ്പരയിലെ ഓഡ് സൈസില്‍ അതിമനോഹരമായ പ്രൊഡക്ഷനിലാണ് പുറത്തിറങ്ങിയിരിക്കുന്നത്. കവറിന്റെ കാര്യത്തില്‍ പറയാനില്ല. രാജേഷ് ചാലോടിന്റെ ഡിസൈനും അതിമനോഹരമായ മെറ്റാലിക് ലാമിനേഷന്‍ പ്രൊഡക്ഷനും. നൂറു രൂപയാണ് വില. എന്റെ 22-ാമത്തെ പുസ്തകം. രാജശേഖരനില്ലാതിരുന്നെങ്കില്‍ ഇതില്‍ എനിക്കു പങ്കാളിയാവാന്‍ സാധിക്കുമായിരുന്നില്ല. നന്ദി പി.കെ.ആര്‍. നന്ദി ആര്‍.എസ് ബാബുസാര്‍.നന്ദി മീഡിയ അക്കാദമി.
